Հատվածներ երեկ Հրազդանի կենտրոնական հրապարակում քաղաքապետի թեկնածու Սասուն Միքայելյանի քաղաքային նախընտրական հանդիպման ժամանակ նրա ելույթից:
«Քիչ առաջ խոսվեց գործարանների տնօրեններից, որ թույլ չեն տալիս մեզ աշխատողների հետ հանդիպումներ ունենալ։ Մի քանի օր առաջ Արամ Դանիելյանի նախընտրական կլիպի մեջ նայում եմ՝ ՋԷԿ-ի տնօրենը ասում է, որ Արամը խելոք տղա է։ Արամ, խելոք տղա, ես քեզ հրավիրում եմ բանավեճի։ ՋԷԿ-ի տնօրեն Մանուկյանն ասում էր, թե Արամը հասկանում է ցեխերից։ Պարոն Մանուկյան, եթե Արամը նորմալ մասնագետ է, ցեխերից հասկանում է, ամսի 13-ին կուղարկեմ, կգա քեզ մոտ ցեխի վարիչ աշխատելու։
…Այստեղ հազարավոր մարդիկ են կանգնած, բարձրացեք ամբիոն, ասեք՝ Միքայելյան Սասուն, դու ստախոս ես, դու քո աշխատած տարիներին կաշառակեր ես եղել, դու թալանել ես, եթե նման բան եղել է։
…Ես խոստանում եմ, իմ քաղաքապետ ընտրվելու դեպքում ոչ մի կուսակցություն, ոչ մի հասարակական կազմակերպություն, ոչ մի անհատ այս քաղաքում, այս հրապարակում իր տեսակետները, ծրագրերը ժողովրդի հետ կիսելու պրոբլեմ չի ունենա։ Ես որեւէ մեկին չեմ խոչընդոտի։ Մարդիկ թող գան, իրենց ծրագրերը, տեսակետները ներկայացնեն, իմ ժողովուրդը խելացի է, ինքը կկողմնորոշվի՝ ում հավատա, ում՝ ոչ։ Երեւի դրանից են սարսափում, որ էսօր Կովալենկոն թուրը քաշել ընկել է խեղճ ուսուցիչների ջանին, ասում է՝ կկոտորեմ, կջարդեմ։
Կարդացեք նաև
Ժողովուրդ, ես չեմ ուզում փետրվարի 12-ին շոու սարքեմ։ Շոուն կգաք՝ վաղը կտեսնեք։ Վաղը այստեղ, այս նույն հրապարակում Արամի «վերջին գանգն» ա։ Գիտեք՝ երգիչներ են հրավիրել մասնակցելու, հրավառություն ա լինելու։ Արամ ջան, ես էլ կգամ, կմասնակցեմ քո վերջին գանգին, քեզ հաջողություն կասեմ»:
«Հայկական ժամանակ»
