Հատված Ջրառատ համայնքի դպրոցի նախկին տնօրեն Արթուր Շաբոյանի հետ հարցազրույցից:
– Նախագահական ընտրությունների ժամանակ էլ Սասունը նախագահի թեկնածու Սերժ Սարգսյանի կողքին էր: Սերժ Սարգսյանը, նախընտրական արշավի ժամանակ, երբ Հրազդանում էր, ուղղակի ասաց. «Եթե ուզում եք՝ ձեր ձայնը արագ հասնի ինձ, ապա դիմեք իմ մարտական ընկեր Սասունին»: Հրազդանցիները այդպես էլ չհասկացան, թե ինչու Սասունը ընդամենը մի քանի օր անց լքեց իր ընկերոջը ու կանգնեց Լ.Տեր-Պետրոսյանի կողքին: Հրազդանցիների համար առ այսօր Սասունի այդ վարքագիծը անընդունելի ու մերժելի է, քանի որ դրանով հրազդանցիների միասնությունը պառակտվեց:
-Այդ պառակտումը միայն ընտրությունների՞ ժամանակ է հետեւանքներ ունենում, թե՞ այլ դրսեւորումներ էլ կան:
-Մինչեւ 2008 թվականը քաղաքապետ Արամ Դանիելյանի հետ բոլոր թաղապետերը համաձայնեցված ու արդյունավետ աշխատում էին, բոլոր խնդիրները շատ արագ լուծում էին ստանում: Վերջին չորս տարիներին թեեւ մեր քաղաքում շատ ու շատ խնդիրներ լուծվում են, բայց դա մեծ ջանքեր է պահանջում, քանի որ Սասունի սակավաթիվ կողմնակիցները անընդհատ նոր դժվարություններ են առաջացնում, ժողովրդի մեջ թշնամանք են հրահրում, խառնում են բոլորին:
Գեւորգ ՀԱՐՈՒԹՅՈՒՆՅԱՆ
«Հայոց աշխարհ»
