ՀՀԿ-ական պատգամավոր, «Վեդի Ալկո» ընկերության սեփականատեր Մանվել Ղազարյանը, որն ընտրվել է Արարատի մարզի թիվ 18 ընտրատարածքից, հայտնել էր, որ հոգնել է եւ մեծամասնական ընտրակարգով պատգամավորի թեկնածու չի առաջադրվի։
– Իսկ հնարավո՞ր է համամասնական ցուցակ ընդգրկվեք, նման ցանկությո՞ւն էլ չունեք։
– Առայժմ ոչ։
– Առա՞յժմ։ Բայց մի քանի ամիս մնաց ընտրություններին, ե՞րբ եք հստակեցնելու։
Կարդացեք նաև
– Ոչ թե ամիս, այլ մի քանի օր ես կասեի, եւ ամեն ինչ հայտնի կդառնա։
– Այսինքն ցուցակները կազմելուց հետո՞, եւ հնարավոր է մի քանի օրից նման ցանկությո՞ւն առաջանա։
– Մի քանի օրից ամեն ինչ հնարավոր է առաջանա։
– Այսինքն՝ ըստ էության Ձեր ցանկությամբ չէ, որ չեք առաջադրվում եւ հիմա էլ սպասում եք՝ Ձեգ կընդգրկե՞ն ցուցակ, թե՞ ոչ։
– Չէ, ես ասում եմ՝ հիմա դեռ ցանկություն չունեմ, բայց ի՞նչ իմանաս՝ կարող է ինչ-որ բան դրդի կամ բրթի։ …Հունան Ավետիսյանի վերջին խոսքը գիտե՞ք. էն, որ ասում է՝ ինձ բրթողի… էն, որ հարցնում են՝ ի՞նչը ձեզ դրդեց
նման հերոսության, ասում ա՝ դրդելը չգիտեմ, բայց ինձ բրթողը երեւի…
– Հիմա Դուք էլ սպասում եք, որ Ձեզ «բրթե՞ն»։
– Չէ, աստված չանի։
– Այդ դեպքում ինչի՞ եք սպասում, մեկ ասում եք, որ հոգնել եք պատգամավորի կարգավիճակից, մեկ էլ, թե՝ գուցե նման ցանկություն մոտ օրերս առաջանա։
– Ես նորից եմ ասում՝ ես ընդհանրապես ուզում եմ հանգիստ ապրեմ։
Լուսինե ՇԱՀՎԵՐԴՅԱՆ
«Հրապարակ»
