Բանգլադեշի Համոյի խափանման միջոցի փոփոխությունն ու նրա ազատ արձակումը ըստ ամենայնի վկայում է Հանրապետական կուսակցության և Բարգավաճ Հայաստանի, կամ ավելի ճիշտ` Սերժ Սարգսյանի և Գագիկ Ծառուկյանի միջև հրադադարի հաստատում:
Բանն այն է, որ Բանգլադեշի Համոն Ծառուկյանի ամենամերձավոր զինակիցներից մեկն էր և նրա ձերբակալությունը ինչպես չէր կարող պատահական լինել, այնպես էլ ամենևին պատահական լինել չէր կարող նրա խափանման միջոցի փոփոխությունը: Խնդիրն այն է, թե տվյալ պարագայում ով է ում զիջել՝ Սերժ Սարգսյա՞նը Գագիկ Ծառուկյանին, թե՞ Ծառուկյանը Սերժ Սարգսյանին: Ի դեպ, հետաքրքրական է այն հանգամանքը, որ Բանգլադեշի Համոյի ազատ արձակումը տեղի ունեցավ ԲՀԿ խորհրդարանական մեկօրյա բոյկոտից հետո, ինչը կարող է վկայել, որ Բարգավաճ Հայաստանը պարզապես դիմել է նման քայլի` Սերժ Սարգսյանին սպառնալով, որ բոյկոտը կարող է վերաճել առավել լուրջ քայլերի, եթե Ծառուկյանի մերձավորը ազատ չարձակվի, որովհետև նրա կալանքի տակ լինելը, անշուշտ, մեծ հարված էր Գագիկ Ծառուկյանին:
«Ժամանակ»
