Ինչպես արդեն հաղորդել ենք՝ Աշոտ Ավետիսյանը, որը հայտնի է «Բանգլադեշի Համո» մականունով, երեկ ազատ է արձակվել:
ՀՀ գլխավոր դատախազի մամուլի խոսնակ Սոնա Տռուզյանը «Մեդիամաքս»-ին պարզաբանել է, թե ինչու դատախազությունը որոշում կայացրեց փոխել Աշոտ Ավետիսյանի խափանման միջոցը. «Նկատի առնելով այն հանգամանքները, որ տվյալ քրեական գործով անհրաժեշտ բոլոր քննչական գործողությունները կատարվել են, որ նա ունի մշտական բնակության վայր, աշխատանք, երկու անչափահաս երեխա, չկան տվյալներ առ այն, որ կարող է դիմել փախուստի եւ թաքնվել քննությունից, ապա նման պայմաններում հսկողություն իրականացվող դատախազն որոշում է կայացրել նրա նկատմամբ ընտրված խափանման միջոցը փոխելու մասին»:
