«Բանգլադեշցի Համո» մականունով հայտնի Աշոտ Ավետիսյանը ազատ է արձակվել կալանքից: Ինչպես «Ազատություն» ռադիոկայանին փոխանցեցին Հայաստանի ոստիկանության լրատվական ծառայությունից, փոխվել է նրա խափանման միջոցը` ստորագրությամբ չհեռանալու պայմանով:
Անցած ամիս դատարանը Ավետիսյանի նկատմամբ երկամսյա կալանք կիրառելու որոշում էր կայացրել, բայց երեկ նրան ազատ են արձակել։
Աշոտ Ավետիսյանը, ով, ըստ լրատվամիջոցների, «Բարգավաճ Հայաստան» կուսակցության (ԲՀԿ) ղեկավար Գագիկ Ծառուկյանի մերձավորներից է, ձերբակալվել էր հունվարի 18-ի կեսգիշերին` Կոմիտասի պողոտայի եւ Գրիբոյեդովի փողոցի խաչմերուկում տեղի ունեցած միջադեպի առնչությամբ:
Ըստ ոստիկանության տեղեկատվության, նա դաժան ծեծի է ենթարկել մի տաքսիստի, ում վարած «ՎԱԶ» մակնիշի մեքենան այդ խաչմերուկում բախվել է «BMW X-6» մակնիշի իր մեքենային: Աշոտ Ավետիսյանը իջել է մեքենայից եւ, հայհոյանքներ հասցնելով, այնպես է ծեծել տաքսիստին, որ վերջինս մարմնական վնասվածքներով, արյունլվա տեղափոխվել է հիվանդանոց:
Կարդացեք նաև
Ռուզաննա Ստեփանյան
«Ազատություն» ռադիոկայան
