«Հանրապետականները ավազակներ են»,- այսօր կառավարության շենքի առջեւ բացականչում էր Կոտայքի մարզի Ձորաղբյուր գյուղի բնակիչ Ապավեն Զաքարյանը. «Նախկին կոմունիստական ավազակներից մնացած նույն ավազակներն են, միայն իրենց մորթին են փոխել, գառան մորթի են հագել, բայց գելու բալաներ են: Գելու բալան հավատարիմ շուն չի դառնա, դրանք կույր աղիքներ են, ինչքան շուտ ապերացիա լինի, դրանք հեռանան , ժողովուրդը կփրկվի, թե չէ ուր գնանք մենք»:
Ա. Զաքարյանը պնդում էր նաեւ, որ հանրապետական կուսակցության ներկայացուցիչները իրեն տարել են սարերը, որ սպանեն, բայց նրանց չհաջողվեց: Նա հրաժարվեց անուններ տալուց՝ պնդելով, որ անունները կբացահայտի դատարանում:
Արփինե ՍԻՄՈՆՅԱՆ
