Հատված նախկին ՕԵԿ-ական Գագիկ Բաղդասարյանի հետ հարցազրույցից
– Դուք Ձեզ տեսնո՞ւմ եք ապագա խորհրդարանում եւ ինչպե՞ս, ո՞ր կուսակցության ցուցակով:
– Կա երկու տարբերակ: Եթե մեծամասնական ընտրակարգը մնա որպես գալիք ԱԺ անցնելու հնարավորություն, ապա այդ հարցը կքննարկեմ, քանի որ այն ինձ համար շատ կարեւոր է: Իսկ այլ կուսակցությունների ցուցակով գնալ չեմ մտածել:
– Իսկ որեւէ կուսակցությունից առաջարկություն ստացե՞լ եք:
Կարդացեք նաև
– Երեկվանից բոլոր կուսակցություններից առաջարկություններ եղել են: Ես կհամաձայնվեմ բոլոր այն կուսակցությունների եւ քաղաքական գործիչների հետ, ովքեր մտածում են երկրի ապագայի համար, կարեւորն այն է, թե նրանց գաղափարներից ու քաղաքական ծրագրերից ո՞րն է իմ արժեհամակարգին հարիր:
– Մոտավորապես ե՞րբ եք կողմնորոշվելու:
– Մի 15 օր հետո, եթե որոշեցի, որ ԱԺ-ում դեռ անելիքներ ունեմ: Թե՛ ՀՀԿ-ից, թե՛ ԲՀԿ-ից, թե՛ Դաշնակցությունից, ովքեր դեմ են իմ քայլին, հորդորում են, որ մանդատից հրաժարվելու որոշումս չպնդեմ: Նշանակում է՝ ես պետք եմ այդ մարդկանց: Ինձ համար շատ հաճելի էր հատկապես «Ժառանգություն» կուսակցության հայտարարությունը, որով սատարեցին ինձ եւ իմ մեջքին կանգնեցին: Ուրեմն ես ԱԺ-ում անելիքներ ունեմ:
Անուշ ՆԵՐՍԻՍՅԱՆ
«Հայացք»
