Տրանսպորտի և կապի նախարարությունից հայտնում են,որ Փետրվարի 8-ի` ժամը 14.00-ի դրությամբ, Վանաձոր-Ստեփանավան ավտոճանապարհի 7-րդ կիլոմետրը բաց է: Հանրապետության տարածքում միջպետական,հանրապետական ճանապարհներն ու լեռնանցքները հիմնականում երթևեկելի են:
Ուշադրություն. Սաստիկ բուքի ու վատ տեսանելիության պատճառով փակ է Սելիմի լեռնանցքը: Նաև շարունակում է փակ մնալ Բերդ-Ճամբարակ ճանապարհահատվածը:
Անվտանգ երթևեկությունը ապահովելու նպատակով բոլոր միջոցները մոբիլիզացված են, և հանրապետության ողջ տարածքով կատարվում են ձյունից մաքրման, աղով և ավազով մշակման ինտենսիվ աշխատանքներ:
Տրանսպորտի և կապի նախարարությունը հորդորում է վարորդներին երթևեկել միայն ձմեռային անվադողերով:
