Բուլղարիայի մայրաքաղաք Սոֆիայում կայացած «Միսիս տատիկ» գեղեցկության մրցույթին Հայաստանն առաջին անգամ էր մասնակցում: 300 մասնակիցներից եզրափակիչ են անցել ընդամենը 15-ը: Հայաստանն էլ է հաղթածների ցուցակում եղել:
Այսօր լրագրողների հետ հանդիպման ժամանակ այս տեղեկությունները հայտնեց Համաշխարհային գեղեցկության եւ նորաձեւության լիգայի նախագահ, «Միսս եւ Միստր աշխարհի» միջազգային կազմկոմիտեի նախագահ Աշոտ Խաչատրյանը: Մրցույթի կազմակերպվածությունից էլ պարոն Խաչատրյանը գոհ է:
«Առաջարկը ստանալուց հետո շատ եմ մտածել: Սակայն հիմա հպարտ եմ, որ ներկայացնելով հայ տատիկի կերպարը՝ հաղթել եմ »,- ասում է «Միսիս տատիկ աշխարհ» տիտղոսակիր Լուիզա Ծատուրյանը: Մինչ գնալը ապրումների մեջ է եղել, ինքն է ասում, սակայն, ծանոթանալով մասնակիցների հետ, համոզվել է՝ կհաղթի:
Ավանդական տարազներ,երեխաներ եւ թոռնիկներ ունենալը մրցույթին մասնակցելու պարտադիր պայմաններն էին:
Ըստ տիկին Ծատուրյանի, իր երիտասարդ տեսքը բարիության ու պարզության հետեւանք է: Պլաստիկ վիրահատություններ չի արել ու քսուքներ էլ չի օգտագործել, զբավում է միայն աերոբիկայով:
Արամ ԱՐԱՐԱՏՅԱՆ
