«Հայ ազգային կոնգրեսը պետք է մասնակցի առաջիկա խորհրդարանական ընտրություններին եւ ձգտի առավելագույն ներկայություն ապահովել խորհրդարանում», այսօր կայացած մամուլի ասուլիսում հայտարարեց ՀԺԿ առաջնորդ Ստեփան Դեմիրճյանը: Պատասխանելով հնչող բոլոր այն տեսակետներին, որ ճիշտ կլինի, որպեսզի ՀԱԿ-ը բոյկոտի առաջիկա խորհրդարանական ընտրությունները, քանի որ դրանք ընթանալու են իշխանության կողմից նախապես գծված սցենարով, Դեմիրճյանը հայտարարեց. «Բոյկոտը ճանապարհ չէ»: Ըստ բանախոսի, թեպետ ժողովուրդը իշխանափոխության հույսը մշտապես կապել եւ կապում է նախագահական ընտրությունների հետ, սակայն «Ազգային ժողովի այս ընտրությունները չափազանց կարեւոր են»: ՀԺԿ առաջնորդը հորդորում է հանրությանը առավել զգոն վերաբերմունք ցուցաբերել խորհրդարանական այս ընտրություններին:
Ստեփան Դեմիրճյանը անլուրջ է համարում իշխանական տարբեր գործիչների կողմից ազատ եւ արդար ընտրությունների կազմակերպման բոլոր հավաստիացումները, քանի որ նախորդ կեղծված ընտրությունների համար ոչ ոք որեւէ պատասխանատվության չի ենթարկվել, ոչ էլ դրանց քաղաքական գնահատականն է տրվել:
Նելլի ԳՐԻԳՈՐՅԱՆ
Մանրամասները՝ առաջիկայում
