Հատված ՀՀԿ խմբակցության անդամ Կարինե Աճեմյանի հետ հարցազրույցից:
– 2012-ի խորհրդարանական ընտրությունների ինտրիգը ՀՀԿ–ԲՀԿ հարաբերությունների՞ մեջ է, թե՞ իր վճռական խոսքն ասելու է ՀԱԿ–ը։
– Այն մարդիկ, ովքեր թեժացնում են ՀՀԿ-ԲՀԿ ինտրիգը, որ ավելի շատ լրատվամիջոցներում Է երեւում, քան իրականության մեջ կա, մոռանում են փաստաթղթերը, կոալիցիոն համաձայնագրերը, կոալիցիոն ձեւաչափով հանդիպումները, որոնց ժամանակ որեւէ որոշում չի կայացվել, որ պատճառ դառնա միմյանց դեմ պայքարելու։ Գուցե ընտրապայքարը շուտ մեկնարկեց, այդ պատճառով մամուլը ստիպված եղավ նախընտրական տարատեսակ մեկնաբանություններ, վերլուծություններ, կանխատեսումներ անել, որ որքան իրական, նույնքան անիրական կարող են լինել։ Ես կարծում եմ, որ ընտրողն Է որոշելու՝ ՀՀԿ-ն, ԲՀԿ-ն, ՀԱԿ-ը, թե ընտրություններին մասնակցող մյուս քաղաքական ուժերը կասեն իրենց վճռական խոսքը։
Կարդացեք նաև
– Գուցե այս ընտրությունների ամենամեծ ինտրիգը 2013-ի նախագահական ընտրություններին նախորդելո՞ւ փաստի մեջ է։
– Իհարկե, ամենամեծ ինտրիգը հենց 2013-ի նախագահական ընտրություններն են, որ ավելի կարեւոր նշանակություն ունեն ե՛ւ Հայաստանի, ե՛ւ տարածաշրջանի համար։ Այնուամենայնիվ, այն ուժը, որ փաստաթուղթ Է ստորագրում, պարտադրված Է հանուն իր վարկանիշի պահպանել իր ստորագրությամբ վավերացված պայմանավորվածությունները։ Կյանքն այսօր չի սկսվել եւ վաղը չի վերջանում։ Ընտրողների հիշողությունն Էլ միայն ընտրությունների ժամանակ չի արթնանում, ոչ միայն անցնելիք, այլեւ անցած ճանապարհի խնդիր կա։ ՀՀԿ-ն ռեսուրսներ ու ներուժ ունի ե՛ւ խորհրդարանական, ե՛ւ նախագահական ընտրություններում հաղթելու։ Ես չեմ կարծում, որ մենք 2013-ին խնդիր կունենանք, մենք հստակ գիտենք մեր ճանապարհը, վաղուց ասել ենք, որ Սերժ Սարգսյանն Է մեր թեկնածուն, եւ պաշտպանելու ենք նրա թեկնածությունը ցանկացած վերադասավորման դեպքում, համոզված եմ, որ նա էլ հաղթելու Է նախագահական ընտրություններում:
Անահիտ ԱԴԱՄՅԱՆ
«Իրատես da facto»
