Ինչ ցույց տվեց այս քվեարկությունը։ Առաջին. Տիգրան Մարգսյանը եւ նրա կողմից իրականացվող քայլերը մերժվում են խորհրդարանի մեծամասնության կողմից։ Կոալիցիայի մի մասը կազմող ԲՀԿ-ն բացահայտ, իսկ ՀՀԿ-ական պատգամավորների մի մասը գաղտնի դեմ են կառավարության նախաձեռնություններին։ Այսինքն, Տիգրան Սարգսյանի դեկտեմբերի վերջին արած այն հայտարարությունը, թե իր կառավարությունն ունի խորհրդարանական մեծամասնություն, այլեւս չի համապատասխանում իրականությանը։ Ճիշտ է, 2007թ. խորհրդարանական ընտրություններից հետո ՀՀԿ-ն խորհրդարանում ուներ որակյալ մեծամասնություն եւ կարող էր միայնակ ընդունել իր ուզած օրենքները, բայց հիմա պատկերը փոխվել է։ ՀՀԿ խմբակցությունում հիմա ընդամենը 63 պատգամավոր է, եւ նրանցից ոչ բոլորն են այսօր պատրաստ գալ խորհրդարան եւ քվեարկել Տիգրան Սարգսյանի կառավարության կասկածելի նախաձեռնությունների օգտին: Եվ նույնիսկ ՕԵԿ միանշանակ աջակցությունը քիչ բան է փոխում այս իրավիճակում։
Ավետիս Բաբաջանյան
«Հրապարակ»
