Այն, որ ՕԵԿ նախագահ Արթուր Բաղդասարյանը շատ մտերիմ է ՀՀ նախագահ Սերժ Սարգսյանի հետ, հաստատել է նաեւ ինքը` պարոն Բաղդասարյանը: Այսօր Aravot.am-ը ՕԵԿ խմբակցության ղեկավար Հեղինե Բիշարյանից հետաքրքրվեց, թե ո՞ր արժանիքի համար է Արթուր Բաղդասարյանը վայելում նախագահի վստահությունը: Տիկին Բիշարյանի խոսքերով`«Կոռեկտ չի, որ ես մեկնաբանեմ, թե ինչի համար են իրենց հարաբերությունները լավ: Եվ ընդհանրապես, ի՞նչ վատ բան կա դրա մեջ: Այո, իրենք շատ լավ եւ ջերմ հարաբերությունների մեջ են եւ շատ լավ գործընկերներ են, եւ շատ լավ հարաբերություններ կա նաեւ իրենց անձնական կյանքում»:
Ըստ տիկին Բիշարյանի, նրանց բարիդրացիական հարաբերությունները շատ լավ ծառայում են ի շահ ժողովրդի ու պետության:
Հեղինե Բիշարյանն ասուլիսում ասել էր, որ Արթուր Բաղդասարյանն իրեն ԱԺ-ում չի տեսնում, ուստի մեր հարցին` եթե անկեղծ լինենք` կա՞ն որոշակի պաշտոններ, որոնցում տեսնում է կամ Դուք եք իրեն տեսնում այդ պաշտոններում` նա պատասխանեց, որ կոռեկտ չէ այդ մասին խոսելը. «Նա կայացած քաղաքական գործիչ է եւ իր համար որեւէ պաշտոն գրավելը կամ այդ պաշտոնում աշխատելը խնդիր չէ»:
Կարդացեք նաև
Հռիփսիմե ՋԵԲԵՋՅԱՆ
