Facebook-ի օգտատեր Զոհրապ Եգանյանը բոլոր ֆեյսբուքցիներին առաջարկում է փետրվարի 7-ն ընդունել համացանցում հայատառ գրելու օր:
Aravot.am-ի հետ զրույցում օգտատերը նշեց. «Նորություն չէ, որ հատկապես սոցիալական ցանցերում բավական տարածված է այսպես կոչված լատինատառ հայերեն գրելու սովորությունը: Ճիշտ է դրա համար ժամանակին եղել են օբյեկտիվ պատճառներ, սակայն այժմ համակարգիչները եւ սոցիալական ցանցերը հնարավորություն տալիս են առանց դժվարության գրել հայատառ: Այս նախաձեռնության նպատակը սույն խնդրին ուշադրություն հրավիրելն է եւ հուսով եմ` արդյունքը երկար սպասեցնել չի տա»:
Իսկ թե ինչու հատկապես փետրվարի 7-ը, ապա, ըստ նրա, օրն ընտրվել է շատ պատահական:
Facebook-ի օգտատերերի այս գաղափարը կարծես թե հավանության է արժանացել մեծամասնության կողմից, քանի որ Զոհրապի այս առաջարկը ոչ միայն սոցիալական ցանցում լայն քննարկումների առիթ է դարձել, այլեւ մեծամասնության կողմից «share» է արվել:
Կարդացեք նաև
Եվա ՀԱԿՈԲՅԱՆ
