Ինչպես հայտնի է` Հեռուստառադիոպետկոմի նախկին նախագահ, «Արմենպրեսի» նախկին տնօրեն Տիգրան Հակոբյանն արդեն քսան օր է, կալանավորված է եւ գտնվում է «Նուբարաշեն» քրեակատարողական հիմնարկում: «Ազատություն» ռադիոկայանի հետ զրույցում Տիգրան Հակոբյանի փաստաբան Հայկ Ալումյանն ասել է, թե Հակոբյանին կալանքի տակ պահելու որեւէ պատճառ չկա.«Ինքը, փաստորեն, կալանավորվել է միայն այն պատճառով, որ մեղադրվում է ծանր հանցագործության մեջ: Այսինքն` ծանր հանցագործության մեջ ընդամենը մեղադրելը մարդուն դարձնում է անպաշտպան: Եթե իրենք մեղադրանքն առաջադրեցին` հիմնավոր լինի, անհիմն կամ ակնհայտ անհիմն, ուրեմն ինքն ավտոմատ մեր դատարանների կողմից կալանավորվում է: Հավելենք, որ այս գործով մեղադրանք է առաջադրվել նաեւ Վահան Մուսինյանին, ով ՀԱԿ մամուլի քարտուղար Արմեն Մուսինյանի եղբայրն է: Վ.Մուսինյանը այժմ հետախուզման մեջ է:
«168 ժամ»
