Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, այսօր՝ փետրվարի 3-ին, ժամը 19.00-ի սահմաններում, «Դեյվու Նեքսիա» մակնիշի Տ 5162 համարանիշի ավտոմեքենայի վարորդը Հերացի փողոցում՝ ծննդատան դիմաց, բախվել է մայթեզրին կայանված «Մերսեդես ՄԼ-320» մակնիշի 13 ՏՍ 853 համարանիշի և «ՎԱԶ 2106» մակնիշի 30 ՕՍ 736 համարանիշի ավտոմեքենաներին։
Վթարի վայրում հավաքվածները պատմել են, որ տաքսու մեջ եղած ուղևորուհին մարմնական վնասվածքով տեղափոխվեց հիվանդանոց։ Դեպքի վայր են ժամանել ճանապարհային ոստիկանության 1-ին սպայական գումարտակի աշխատակիցները, ինչպես նաև ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևորագույն գործերով ավագ քննիչ Գագիկ Հարությունյանը։ Փաստի առթիվ ՃՏՀ քննության բաժնում նյութեր են նախապատրաստվում։
Լուսանկարները` Գագիկ Շամշյանի
