«Այս հրահանգը տալիս ինչ-որ մեկը դեղի աղզդեցության տակ է եղել»,- քիչ առաջ ավարտված ասուլիսում հայտարարեց «Հայկական ժամանակ» օրաթերթի խմբագիր Նիկոլ Փաշինյանը՝ նկատի ունենալով այսօր առավոտյան «ՀԺ»-ի լրագրող Հայկ Գեւորգյանին կալանավորելու մասին որոշումը:
Ըստ Փաշինյանի՝ Հայկ Գեւորգյանը կալանավորվել է ոստիկանապետ Վլադիմիր Գասպարյանի անմիջական հրահանգով: «Վովա Գասպարյանը «Մասկի-շոու» է կազմակերպել»,-ասաց Նիկոլ Փաշինյանը՝ պատմելով Հայկի կնոջ ասածները Հայկի կալանավորման առիթով:
Հայկի տիկինը զանգել է Նիկոլին եւ տեղեկացրել, որ առավոտյան հարեւանները տեսել են, թե ինչպես, երբ Հայկը փորձել է մեքենա նստել, մի քանի մեքենաներով ոստիկանները շրջապատել են նրան, ու ոլորելով ձեռքերը՝ նստեցրել են ոստիկանական մեքենա:
Այս ամբողջը Նիկոլ Փաշինյանը պայմանավորել է Հայկ Գեւորգյանի լրագրողական գործունեությամբ: Մասնավորապես, նրա վերջին հոդվածներով, որոնցից մեկում գրել էր ոստիկանապետի մեքենայի դիմապակու վրա ԱՊՊԱ կտրոնի բացակայության մասին, մեկ այլում՝ այն մասին, որ ՊԵԿ նախագահ Գագիկ Խաչատրյանը ոստիկանապետին 120-150 հազար դոլարանոց մեքենա է նվիրել եւ այլն:
Կարդացեք նաև
Մանրամասները՝ ավելի ուշ:
