Հատված ՀՀԿ խմբակցության ղեկավար Գալուստ Սահակյանի հետ հարցազրույցից:
– Ձեր կարծիքով, ներկայիս ՀՀԿ-ական պատգամավորների քանի՞ տոկոսն է լավ կատարել իր աշխատանքը եւ նոր խորհրդարանում հայտնվելու մեծ շանսեր ունի։
– Դե, կարծում եմ, 60-65 տոկոսը։
Կարդացեք նաև
– Իսկ ի՞նչ նոր դեմքերի մասին է խոսքը։
– Գիտեք, ՀՀԿ-ի համամասնական ցուցակի մասին այնքան խոսեցին, որ ոմանք անգամ երազում են տեսնում։ Շատ եմ ցավում, որ այսօր ցանկացած մարդ մտածում է, որ կարող է պատգամավոր դառնալ կամ նախարար։ Մեզ մոտ կարող են դառնալ նրանք, ովքեր ակտիվ են եղել կուսակցական ու քաղաքական աշխատանքներում եւ հանրության որոշակի շրջանում ճանաչելիություն ու դերակատարություն ունեն։
– Վերջերս շատ են շոշափվում Խոսրով Հարությունյանի, Արտաշես Գեղամյանի, Վազգեն Մանուկյանի անունները։
– Անձերի անուններ չեն քննարկվել, կուսակցությունը դեռ որեւէ քաղաքական գործչից առաջարկություն չի ստացել, իսկ առհասարակ, ես կողմնակից եմ, որ քաղաքական անձերը լինեն ԱԺ-ում, որովհետեւ այդ ժամանակ նրանց
աշխատանքն ավելի արդյունավետ եւ հեշտ կլինի։ Մենք ունենք քաղաքական գործիչներ, որոնց կուսակցությունները ի վիճակի չեն ծավալուն աշխատանք կատարել, իսկ անձամբ իրենք հայտնի են ոչ միայն մեր հասարակությանը,
այլ նաեւ միջագային հանրության մի շարք կառույցների, նրանց համար լայն ճանապարհ է բացվում՝ մեծամասնականով գալ մասնակցել ԱԺ աշխատանքներին։ Եթե մեզ հետ աշխատելու առաջարկություն լինի, իհարկե, կքննարկենք, բացառված չէ, որ եթե մեր գործունեության ծրագրերին համապատասխանում են, ապա նոր խորհրդարանում կլինեն մեր խմբակցությունում՝ հատուկ ներքին պայմանավորվածությամբ։
– Ի՞նչ ներքին պայմանավորվածություն։
– Ընդհանուր գործառույթները, ինչ խնդիրներով պետք է զբաղվենք, ինչով պետք է ապահովեն խմբակցության ամբողջական գործունեությունը. այս ամենը պետք է հաշվի առնվի։ Պայմանավորվածությունները կուլիսային չեն:
Ագնեսա ԽԱՄՈՅԱՆ
«Երկիր»
