Ազգային Ժողովի նախագահ Սամվել Նիկոյանը չի ընդառաջել խորհրդարանում աշխատող լրագրողներին եւ չի վերանայել ԱԺ հասարակայնության եւ տեղեկատվության միջոցների հետ կապերի վարչության պետ Գոհար Պողոսյանին աշխատանքից ազատելու կարգադրությունը: Ըստ media.am կայքի՝ «Սամվել Նիկոյանը, տեղեկանալով ստորագրահավաքի մասին, այսօր ընդունել է լրագրողներին: Հանդիպմանը ներկա եղածները պատմում են, որ Ազգային Ժողովի նախագահի համար անակնկալ էր Գոհար Պողոսյաին պաշտպանող հայտարարությանը միացողների մեջ տեսնել տարբեր ուղղվածության լրատվամիջոցների լրագրողների:
Ըստ հանդիպման մասնակիցների՝ Նիկոյանն ասել է, թե Գոհար Պողոսյանը անաշխատունակության կեղծ տեղեկանք է ներկայացրել: ԱԺ նախագահը չի պատրաստվում վերանայել իր կարգադրությունը եւ իր նախկին աշխատակցին պատրաստ է ընդունել եւ հետը զրուցել 1-2 ամիս հետո»:
