Գաֆէսճեան արվեստի կենտրոնում այսօր տեղի ունեցավ «Նորաձեւության ճանապարհ` երկխոսություն սահմանների խաչմերուկում» ծրագրի ցուցահանդեսը, որտեղ ներկայացվեցին հայ եւ եվրոպացի նկարիչ-մոդելավորողների համագործակցության արդյունքում ծնված աշխատանքներ: Բրիտանական խորհրդի հայաստանյան գրասենյակի տնօրեն Արեւիկ Սարիբեկյանը նշեց, որ երիտասարդ դիզայներների աշխատանքների հավաքածուն կներկայացվի Հայաստանի 3 մարզերում` Շիրակ, Լոռի եւ Սյունիք: Տարվա ընթացքում այն կցուցադրվի նաեւ եվրոպական երկրներում:
«Նորաձեւության ճանապարհ» ծրագիրը համախմբել է հինգ հայ եւ հինգ եվրոպացի նկարիչ-մոդելավորողների: Եվրոպացի դիզայներները, այցելելով Հայաստան, տասնօրյա շրջագայության ընթացքում ծանոթացել են Հայաստանի մշակույթին, պատմությանը եւ ավանդույթներին, որից հետո արդեն հայ մասնակիցներն են այցելել գործընկերների երկրներ: Ոգեշնչված տարբեր երկրների նորաձեւության բազմազանությամբ` մասնակիցները պատրաստել են հավաքածուն:
Հիմնական թեման է ազգային ինքնությունը, սակայն հավաքածուների ստեղծմանը զուգահեռ մասնակիցներն անդրադարձել են նաեւ իրենց այցելած երկրների մշակութային ժառանգությանը եւ ավանդույթներին:
Անժելա ՇԱՀՈՒՄՅԱՆ
Կարդացեք նաև
