Հրապարակված նյութի հեղինակը մասնակցում է մրցույթի: Հրապարակումները, որոնք փետրվար ամսվա ընթացքում կունենան 2000-ից ավելի ընթերցող, կարժանան մրցանակի խմբագրության կողմից:
Առավոտ է, երևանյան սովորական առավոտ: Արևն արդեն վաղուց իր ճառագայթներով պարուրել է Երևանը: Օդը վճիտ է ու անչափ դուրեկան, իսկական զբոսնելու եղանակ:
Երբևէ զբոսնե՞լ եք միայնակ: Այնքա~ն խորհրդավոր է, այնքա~ն տրամադրող: Հեռու ես ամեն տեսակի խնդիրներից, մոտ` բնությանը, բնականին: Երբ ամեն ինչ այնքան հոգնեցնող է ու անփոփոխ, պահանջ եմ ունենում առանձնանալու առօրյա կյանքից: Այսօր այդ օրերից է: Եվ ահա թե ինչ պատմության անսպասելի ունկնդիրը դարձա ես:
Ծառերի մտորումները… Երևի հիմա կծիծաղեք, բայց մի՜ շտապեք, որովհետև նրանք ևս ունակ են դատողություններ անելու, գնահատելու:
-Օ~ֆ, – հառաչում է կեչին, – ամեն ինչ նույնը. Նույն դեմքերը, նույն թիթիզ աղջիկները, իրար նմանակող մարդիկ… Որքա~ն եմ հոգնել այս ամենից, միապաղաղությունից:
-Է՜հ, դու էլի նույնն ես ասում, – կեչուն հակաճառեց ուռենին: – Դու ապրել չգիտես, ապա մի շուրջդ նայիր` ինչ ուրախ են մարդիկ, ինչքա~ն գեղեցիկ աղջիկներ են ամեն օր անցնում մեր կողքով: Ի~նչ գեղեցիկ հագուկապով, ոնց որ քայլող արքայադուստրեր լինեն: Հրաշալի է կյանքը:
-Այո՜, դու ճիտ ես: Ամեն ինչ գեղեցիկ է, բայց արհեստական: Հապա նայի՜ր այն աղջկան, ինքա~ն հմայիչ կլիներ նա առանց «Ճչուն» շպարի: Աչքերը բավականին արտահայտիչ, անմեղ, ի՞նչ կարիք կար այդքան կոպիտ ընդգծել…
-Բավական է դժգոհես կյանքից, կեչի՜, – նա այդպես է հարմար գտել, նրան այդպես է դուր գալիս:
– Ի՞նչ ուզում ես, ասա, միևնույնն է, բնականն արդեն իր տեղը զիջում է արհեստականին: Գիտե՞ս կեչի՜, ես վախենում եմ, որ մի օր էլ մարդիկ բնական ծառերի փոխարեն կգերադասեն արհեստականը: Բայց Աստված չանի, որ այդ օրվան հասնենք:
Տեսնու՞մ եք, անգամ բնության հրաշալիքներն են վախենում արհեստական միջոցներից: Հիմա ի՞նչ. շարունակե՞նք կյանքը արհեստական շպարով, պահվածքով, թե՞ մեր կյանքին բնական շունչ հաղորդենք:
Սարգսյան Հասմիկ
«Առավոտ երիտասարդականի» «ՈւԽ» բաժինը ոչ մի կապ չունի համալսարանական ուսանողական խորհուրդների հետ, «Ուսանողի խոսք» բաժինն է, որտեղ մեր լսարանը հնարավորություն ունի արտահայտվելու իրեն մտահոգով հարցերի շուրջ: Այստեղ կարող եք սիրել, դժգոհել, չարանալ, բարիանալ, կարեկցել, օգնել, շնորհակալ լինել եւ այլն…
Սպասում ենք Ձեր խոսքին` «Առավոտ երիտասարդական» ([email protected])
