միջացքը, որտեղ տեղի է ունեցել «կատակը»
Aravot.am-ը տեղեկացրել է, որ հունվարի 31-ին «ձախ աչքի ակնագեդի ցնցում» ախտորոշմամբ` Մալայանի անվան ակնաբուժական կենտրոն է տեղափոխվել Ղեւոնդ Ալիշանի անվան թիվ 95 դպրոցի 12 Ա դասարանի աշակերտ Երվանդ Էքմեքջյանը։ Պարզվել էր, որ նույն օրը՝ ժամը 11: 30-ի սահմաններում, նշված դպրոցում վիճաբանություն է տեղի ունեցել Երվանդի եւ զուգահեռ դասարանի աշակերտներ Միսակ Եփրեմյանի, Արման Նազարյանի ու նրանց համադասարանցիների միջեւ։ Փաստի առթիվ ոստիկանության Էրեբունու բաժնի հետաքննչական բաժանմունքում նյութեր են նախապատրաստվում։
Փորձեցինք կապվել վիճաբանած աշակերտների դպրոցի տնօրենի հետ, սակայն դպրոցից փոխանցեցին, որ Սվետլանա Ակոջյանը գնացել է քաղաքապետարան: Հետեւաբար զրուցեցինք փոխտնօրեն Աննա Վարդանյանի հետ:
Տիկին Վարդանյանը հայտնեց, որ դպրոցում որեւէ վիճաբանություն չի եղել. «Դա ընդամենը կատակ է եղել, աղջիկ ջան»: Մեր հարցին՝ այդ դեպքում ինչու է կատակի արդյունքում տուժածը հայտնվել ակնաբուժական կենտրոնում, Ա. Վարդանյանը պատասխանեց. «Կատակ անելու ժամանակ ընկերոջ ձեռքը կպել է ընկերոջ այտոսկրին, ծնողն էլ անհանգստացել է ու համենայնդեպս տարել է ստուգման, ամեն ինչ նորմալ է, ոչ մի խնդիր ու արտառոց բան չկա»:
Կարդացեք նաև
Ի դեպ, քաղաքապետարանի մեր աղբյուրներից պարզեցինք, որ այս պահին կրթության վարչության ներկայացուցիչները, դպրոցի տնօրենները եւ ոստիկանության աշխատակիցները քննում են «աշակերտական» կատակների հետեւանքները:
Հավելենք, որ ՀՀ ոստիկանության պաշտոնական կայքէջում հրապարակվել է հաղորդագրության այդ «կատակի» մասին: Ըստ հաղորդագրության. «Հունվարի 31-ին, ժամը 17.10-ին, Երևանի Մալայանի անվան ակնաբուժական կենտրոնից ոստիկանության Էրեբունու բաժնում հաղորդում է ստացվել, որ «ձախ աչքի ակնագնդի ցնցում» ախտորոշմամբ իրենց մոտ բուժօգնության է դիմել Երևանի թիվ 95 դպրոցի աշակերտ, 1995 թ. ծնված Երվանդ Է.-ն:
Գոհար ՀԱԿՈԲՅԱՆ
Լուսանկարները՝ Գագիկ ՇԱՄՇՅԱՆԻ
