Ի պատասխան մեր այն հարցի, թե ազատության մեջ հայտնվելու պարագայում մանկապիղն իրավունք ունի՞ Հայաստանից մեկնելու, օրենսդրությամբ նրա այդ իրավունքը որեւէ կերպ սահմանափակվա՞ծ է, թե ոչ, ՀՀ գլխավոր դատախազությանը մոտ կանգնած մեր աղբյուրները հայտնեցին, որ օրենսդրությամբ այդ խնդիրը բաց է մնում։ Այսինքն՝ եթե անձին հիվանդության պատճառով պատժից ազատ են արձակում, օքենքով նրա կողմից որեւէ պարտավորություն՝ Հայաստանից չմեկնելու վերաբերյալ, սահմանված չէ։ Ասում են, թե, օրենսդրության համաձայն, հետագայում առողջանալու դեպքում համապատասխան կարգով կարելի է վերանայել նրան ազատազրկման վայր՝ քրեակատարողական հիմնարկ վերադարձնելու հարցը։ Ինչպե՞ս, երբ տվյալ անձը կարող է արդեն Հայաստանում չլինել։
Արթուր ՀՈՎՀԱՆՆԻՍՅԱՆ
«Հայացք»
