Չէ, սա արդեն յուրօրինակ ու հիվանդագին մտասեւեռման տպավորություն է թողնում՝ «իշխանությունների ակնկալիքների» մասին ոչնչով չհիմնավորված հայտարարություններ անելը։ Նույնը նկատելի է, օրինակ, «քաղբանտարկյալների» թեմայով Լ.Զուրաբյանի երեկվա հայտարարության մեջ։ Նա նշում է, թե ում է համարում քաղբանտարկյալ, որից անմիջապես հետո, անդրադառնալով «նախկին քաղբանտարկյալ» Սուրեն Սիրունյանի կամ Սամվել Աբովյանի աղմկահարույց եւ հենց ՀԱԿ-ին ուղղված հայտարարություններին ու մեղադրանքներին, սկսում է դրանց տակ իշխանության հետքեր որոնել։
Սա այն դեպքում, երբ Զուրաբյանի երեկվա այդ հայտարարության բուն շարժառիթը նույն ՀԱԿ-ի մեկ այլ ներկայացուցչի՝ Գ.Ջհանգիրյանի հայտարարություններն էին իրենց իսկ նախկին կողմնակիցների մասին տհաճ ակնարկներով ու դատողություններով, թե ում է պետք համարել քաղբանտարկյալ, իսկ ում՝ չհամարել։
Սա արդեն ոչ թե պարզապես ծիծաղելի է, այլ ուղղակի համակարգված զավեշտ. իրենք «ականներ» են որոնում, իրենք իրենցից վանում են զինակիցներին, նրանց անվանում դավաճան ու չգիտես թե էլ ինչ, հետո համարժեք պատասխան են ստանում, էլի են հակադարձում, ու այդ ամենի մեջ մեղադրում… իշխանությանը։
Մ. ՍԱՀԱԿՅԱՆ
«Հայոց աշխարհ»
