ՀՀ քաղաքական գործիչների մեծամասնությունը Facebook-ում բացած իրենց էջերի միջոցով լսում է քաղաքացուն հուզող հարցերը, տեղեկանում վերջիններիս բողոքներին ու անգամ հավաստիացնում, թե ուշադրության են արժանացնում յուրաքանչյուր նամակագրի բողոք, պահանջ, շնորհակալության եւ այլն: Քաղաքացիների համար «անհասանելի» գործիչների հետ թեկուզ նման հանդիպումները էլի մխիթարանք են:
Օրինակ, Facebook-ի ակտիվ քաղաքական գործիչ՝ ՀՀ ԿԳ նախարար Արմեն Աշոտյանից քաղաքացի Գեղամ Խաչատրյանն այսօր հարցրել է. «Լիսկան ուզում է դառնալ պատմական գիտությունների թեկնածու: Հետաքրքիր է, նույն այդ Լիսկան հայոց լեզվի ուղղագրությունից 3 բալ կարո՞ղ է հավաքել: Չե՞ք ուզում դա ստուգել, պարոն Աշոտյան: Ի վերջո հայոց գիտության նախարարն եք»: Իսկ Facebook -ի ամենապասիվ քաղաքական գործիչ՝ ԱԺ նախկին պատգամավոր Խաչատուր Սուքիաասյանին համակիրներն առաջարկում են առաջիկա ընտրություններին դնել թեկնածությունը:
ՀՀ վարչապետ Տիգրան Սարգսյանի Էջում էլ, որտեղ շատ են բողոքները, Կարո Արզումանյանը գրում է. «Խայտառակություն է: Շիրակի մարզում պարարտանյութը վաճառվում է 6500 դրամով. այդ ամենի պատասխանատուները գյուղ. վարչության պետ ՀՅԴ կուսակցության անդամ Մ. Մանուկյանը եւ տարածքային վարչության պետ ՕԵԿ-ական Կ. Աբրահամյանը հայտարարում են, թե այդ 500 դրամները ՀՀԿ շտաբեր ձեւավորելու համար է: Ո՞վ է պատասխանատուն այս ամենի»:
Կարդացեք նաև
Եվա ՀԱԿՈԲՅԱՆ
Նյութն ամբողջությամբ՝ վաղվա տպագիր «Առավոտում»:
