2011 թվականի հոկտեմբերի 2-ին Այրումի մոտ միջպետական ճանապարհի սողանքից զոհված 5 անձանց ընտանիքներին նոյեմբերի 8-ին եւ 9-ին պետական բյուջեից տրվել է 1-ական միլիոն դրամ աջակցություն: Սողանքից տուժել է նաեւ Տավուշի մարզի բնակիչներին պատկանող 12 ավտոմեքենա: Դեկտեմբերի 21-ին սողանքից ջարդված10 ավտոմեքենաների տերերից յուրաքանչյուրին պետական բյուջեից տրվել է 260 հազար դրամ,համեմատաբար քիչ տուժած 2 ավտոմեքենաների տերերին` 100- հազարական դրամ:
Քարի եւ հողի հսկա զանգվածի տակ են մնացել նաեւ այրումցի 3 ընտանիքների պտղատու այգիները: Սողանքից շուրջ 4 ամիս է անցել, սակայն Դեբեդի ափին գտնվող, այլեւս գոյություն չունեցող պտղատու այգիների տերերը դեռ փոխհատուցում չեն ստացել:
Ոսկան ՍԱՐԳՍՅԱՆ
