Հայաստանի կառավարությունը Եվրամիության եւ ՄԱԿ-Ի Զարգացման ծրագրի աջակցությամբ կիրականացնի Վրաստանի հետ սահմանի «Բագրատաշեն», «Գոգավան», «Բավրա» անցակետերի արդիականացման ծրագիր: Ծրագիրը նախատեսվում է սկսել այս տարվա սեպտեմբերի 1-ին, անցակետերի վերակառուցումը կտեւի 30 ամիս:
Իջեւանի «Օրհուս» կենտրոնում քննարկվել է այս հարցը: Բնապահպաններին մտահոգել է ծրագրի այն կետը, համաձայն որի՝ անցակետերի վերակառուցման ընթացքում «առաջացող շինարարական աղբը չի կուտակվի, այլ կտեղափոխվի համայնքապետարանների կողմից հատկացված աղբավայրեր»:
Մինչդեռ, օրինակ՝ Բագրատաշեն կամ հարեւան Պտղավան համայնքները աղբավայրեր չունեն: Կամ Բագրատաշենի անցակետի վերակառուցման նպատակով կառուցվելու է նոր կամուրջ, հսկայածավալ շինարարական աշխատանքներ են արվելու:
Ծրագրի բնապահպանության գծով փորձագետ Վռամ Թեւոսյանը մեզ ասաց, որ ՄԱԿ-ի Զարգացման ծրագիրը շինարարական աղբի կառավարման խնդիրը կլուծի Տավուշի մարզպետարանի եւ Բագրատաշենի համայնքապետարանի հետ: Նախկինում մի քանի անգամ տեղեկացրել ենք, որ Բագրատաշենի մաքսակետի մոտ, հայ-վրացական սահման հանդիսացող կամրջի տակ կենցաղային աղբի մեծ կուտակում կա` «Հայաստանի մուտքը՝ կեղտի մեջ»:
Կարդացեք նաև
Ոսկան ՍԱՐԳՍՅԱՆ
