Բնապահպանության նախարար Արամ Հարությունյանից այսօր Aravot.am-ը հետաքրքրվեց՝ ինչպե՞ս է վերաբերվում ԵԽԽՎ-ում շրջանառության մեջ դրված Թեղուտի վերաբերյալ հռչակագրին, որին միացել են 44 պատվիրակներ: «Իմ կարծիքով, նման խնդիրներն անհրաժեշտ է քննարկել իրավական դաշտում: Ինչ վերաբերում է Օրհուսի կոնվենցիային, ապա մենք այդ կոնվենցիայի հետ աշխատում ենք, ծանոթ ենք այդ կոնվենցիայի առաջարկություններին, դրանք հիմնականում վերաբերում են օրենսդրական համապատասխանելիության խնդիրներին: Այդ ուղղությամբ արդեն մի քանի քայլ կատարել ենք, օրինակ` իրազեկման գործընթացները, Ընդերքի օրենսգիրքը, որն արդեն ընդունվել է: Եթե խոսքը Օրհուսի կոնվենցիայով Հայաստանի ստանձնած պարտականությունների կատարման մասին է, ապա կոնվենցիայի շրջանակներում այդ հարցն արդեն քննարկվել ու ընդունվել են համապատասխան առաջարկությունները: Բնապահպանական օրենսդրության կատարելագործման մասով էլ արդեն կատարվել է: Առաջընթաց կա ու անհանգստության կարիք չկա»:
Արփինե ՍԻՄՈՆՅԱՆ
