Այսօր կամ մոտակա օրերին նախագահ Սերժ Սարգսյանի մոտ տեղի կունենանա կոալիցիայի նիստ. Քաղաքաշինության նախարար Վարդան Վարդանյանը չհերքեց Tert.am-ի ունեցած այս տեղեկությունը՝ առանց, սակայն, կոնկրետ օր նշելու. «Չեմ կարող ասել, այսօր՞, թե՞… կոնկրետ օր որոշված չէ»:
«Օրինաց երկիր» խմբակցության ղեկավար Հեղինե Բիշարյանն էլ ոչ հերքելով, ոչ հաստատելով նման նիստի հնարավորությունն՝ ասաց, որ տեղյակ չէ:
Հիշեցնենք, որ ՕԵԿ խմբակցության ղեկավարն օրերս հաստատել էր, որ հինգշաբթի օրը նախագահական նստավայրում տեղի էր ունեցել կոալիցիայի նիստ՝ ՀՀԿ-ից՝ Սերժ Սարգսյան, Հովիկ Աբրահամյան, ԲՀԿ-ից՝ Գագիկ Ծառուկյան, Վարդան Վարդանյան, ՕԵԿ-ից՝ Արթուր Բաղդասարյան, Հեղինե Բիշարյան կազմով:
Tert.am-ի այն հարցին, թե ճի՞շտ են այն տեղեկությունները, որ կոալիցիոն այս արտահերթ նիստերում պետք է որոշվի՝ կոալիցիան մեծամասնական ընտրատարածքներում իրար դեմ թեկնածուներ դնել-չդնելու հարցը, Վարդան Վարդանյանը բացասական պատասխան տվեց՝ հերքելով, թե նման հարց քննարկվել է: Ի դեպ, նա Tert.am-ին հետ զրույցում ժամանակին հերքել էր, որ ինքն է ԲՀԿ-ի նախընտրական շտաբի ղեկավարը, սակայն այսօր ասաց, որ «նախնական» ինքն է:
Կարդացեք նաև
Քաղաքաշինության նախարարը որևէ մեկնաբանություն չուներ այն տեղեկության կապակցությամբ, թե ԲՀԿ-ում որոշել են, որ բոլոր մեծամասնական ընտրատարածքներում պետք է առաջադրումներ լինեն, ընդ որում՝ նախապես պետք է ընտրվեն երկու-երեք թեկնածուներ, որոնցից էլ վարջնականապես կընտրվի մեկը՝ կուսակցության նախագահի հավանությամբ:
Tert.am
