Թուրքիայի Եվրոպական Միության հետ կապերի նախարար Էգեմեն Բաղիշը, ըստ TODAYSZAMAN.COM-ի Շվեյցարիայում Ֆրանսիայի Սենատի ընդունած ցեղասպանությունների ժխտումը քրեականացնող օրենքի առնչությամբ հայտարարել է, թե այդ ջանքերը գոյատեւման հնարավորություն չունեն:
Էգեմեն Բաղիշը Ցյուրիխում կիրակի օրը լրագրողների հետ զրույցում հայտնել է, որ այդ օրենքը ոչինչ է Թուրքիայի համար:
TODAYSZAMAN.COM-ը հավելում է, որ Շվեյցարիան շուրջ երկու տասնամյակ է՝ նույնպես ունի օրենք, որով մարդիկ կարող են դատապարտվել ռասիզմի, ներառյալ՝ ցեղասպանությունը հրապարակային ժխտելու համար: Սակայն Շվեյցարիայի իշխանությունները պնդում են, թե այս օրենքը շատ առումներով նման չէ Ֆրանսիայի ընդունած օրենքին եւ, որ այն կարեւոր է երկրում քսենոֆոբիայի դեմ պայքարի համար:
«Մենք այսօր Շվեյցարիայում ենք եւ ես ասում եմ՝ 1915 թ. իրադարձությունները ցեղասպանություն չէին: Թող գան եւ ինձ ձերբակալեն»,- հայտարարել է Բաղիշը:
Նա նաեւ նշել է, թե նման օրենքները ոչ այլ ինչ են, քան թղթի կտոր:
Կարդացեք նաև
