Այս օրերին քաղաքական կուսակցություններն «իրենցով» են անում մեր շոու բիզնեսի մի շարք աստղերի, որ իրենց քարոզարշավներին մասնակցեն, համերգներով հանդես գան տարբեր համայնքներում, մարզերում:
Aravot.am-ը երգիչ Հայկ Կասպարովից հետաքրքրվեց, թե հրավեր չի՞ ստացել որեւէ կուսակցությունից: Երգչի խոսքերով` «Ես նախընտրական քարոզարշավներին երբեւիցե չեմ մասնակցել, որովհետեւ նման հրավեր երբեւէ չի էլ եղել, այնպես է ստացվել, որ միշտ նախընտրական քարոզարշավների ժամանակ Հայաստանից համերգներով բացակայել եմ, հուսով եմ` այս տարի եւս այդպես կլինի»:
Մենք փորձեցինք ճշտել, ինչո՞ւ, գլուխդ ուզում ես ազատե՞լ քարոզարշավից` Հայկը պատասխանեց. «Չէ, ես քաղաքական հարցերում աշխատում եմ չխառնվել, այսքան ժամանակ ոչ մի կուսակցություն ինձ օգնության ձեռք չի մեկնել, ես ամեն ինչ ինքնուրույն եմ արել, եթե մինչեւ հիմա իրենք ինձ չեն հիշել` ուրեմն քարոզարշավներին էլ թող չհիշեն, եթե հիշեն` անիմաստ է»:
Հռիփսիմե ՋԵԲԵՋՅԱՆ
