Մայր Աթոռ Ս. Էջմիածնի Տեղեկատվական Համակարգից Aravot.am-ին ուղարկված հաղորդագրության մեջ տեղեկացվում է, որ այսօր Մայր Աթոռ Սուրբ Էջմիածնում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, մատուցվել է Սուրբ Պատարագ Հայոց բանակի 20-րդ տարեդարձի առիթով: Պատարագիչն էր ՀՀ Զինված Ուժերի հոգևոր առաջնորդ Տ. Վրթանես եպիսկոպոս Աբրահամյանը:
Սրբազան արարողությանը ներկա են եղել Հայ Եկեղեցու թեմակալ առաջնորդներ, Մայր Աթոռի միաբաններ, ՀՀ Պաշտպանության նախարար Սեյրան Օհանյանը, ՀՀ ԶՈՒ Գլխավոր շտաբի պետ Յուրի Խաչատուրովը, Հայոց բանակի բարձրագույն սպայական կազմի ներկայացուցիչներ և հյուրեր:
Սուրբ Պատարագի ընթացքում հրապարակվել է Ամենայն Հայոց Կաթողիկոսի Սրբատառ կոնդակը Հայոց բանակի 20-ամյա հոբելյանի առիթով:
