- Մաշտոցի պուրակ, գետնանցումի մոտ, գրախանութի հարևանությամբ: Լուսանկարը` «Մե՛նք ենք այս քաղաքի տերը» նախաձեռնության:
Aravot.am-ը տեղեկացրել էր, որ Տարոն Մարգարյանը քաղաքապետ դառնալուց անմիջապես հետո որոշել էր, որ Աբովյան փողոցի վրա գտնվող կապիտալ շինություններն ու կրպակները պետք է ապամոնտաժվեն եւ այդպես էլ եղավ: Երևանի քաղաքապետարանի որոշմամբ, նախկին Աստաֆյան փողոցն ազատվեց մայթերին կառուցված խանութներից ու կրպակներից: Ավելի ուշ տեղեկացվեց նաեւ կրպակատերերի փոխհատուցման մասին:
Սակայն, պարզվում է, որ այդ նույն կրպակները տեղափոխվեցին Մաշտոցի այգու տարածք ու հիմա պուրակում կառուցվում են խանութներ` զավթելով հանրային կանաչ տարածքը:
Մե՛նք ենք այս քաղաքի տերը նախաձեռնության ակտիվիստները եւ Երեւանի կանաչ տարածքների ոչնչացմամբ մտահոգները նորից ակտիվացել են: «Ֆեյսբուքում» այսօր ստեղծվել է «Մաշտոցի այգին պետք է մնա հանրային» իրադարձություն եւ վաղը` հունվարի 30-ին ժամը 13.00-ին նրանք հավաքվելու են Մաշտոցի պուրակում՝ առևտրի կրպակները ապամոնտաժելու պահանջով, որոնք համառորեն ուզում են խցկել կանաչ գոտու մեջ: «Կրպակների տեղն այգին չէ: Մաշտոցի այգին պետք է մնա հանրային»,- կարծում են «Մեր քաղաքը» նախաձեռնության անդամները:
Կարդացեք նաև
