«Խոսքի իրավունք» միավորումը շնորհավորում է մեր զինված ուժերի 20-ամյակը: Այսօր շատ գործիչներ են խոսում բանակի մասին և քննադատում այնտեղ առկա բացասական երևույթները: Սակայն, կարևոր է ճիշտ տարբերակել նրանց խոսքերը: Պետք է ականջալուր լինել այն մարդկանց, ում քննադատությունը սրտացավ է այլ ենթատեքստեր չունի:
Ապագա զինակոչիկի մոտ պետք է ձևավորել ճիշտ արժեհամակարգ: Դրան կարող է նպաստել ընտանիքը, ընկերական շրջապատը և այլ ինստիտուտներ: Այդ կարևոր գործառույթը այսօր այնքան էլ պատշաճ չի անում մասսայական արվեստը` կինո, հեռուստատեսություն, երաժշտություն: Ամենուր արժեքները խեղաթյուրված են:
Այսօր բանակի գլխավոր թշնամին` ներքին թշնամին է: Մեր բանակը քսան տարի ուներ մեծ ոգի: Արցախյան ազատամարտը մեր փառապանծ հաղթանակներից է: Այսօր էլ,համոզված ենք, որ հայ զինվորը չի վախենա արտաքին ուժերի հարձակումից: Սակայն կարևոր է մեր ներսում ճիշտ արժեքների ու ճիշտ հարաբերությունների պահպանումը: Դրան պիտի օգնենք բոլորս: Զինվորներին եկեք մաղթենք արժանապատիվ ծառայություն, իսկ մեր երկրին խաղաղ երկինք:
Խոսքի իրավունք միավորում
