Այսօր՝ հունվարի 27-ին, ավտովթար է տեղի ունեցել Արագածոտնի մարզում։
Ինչպես հայտնում է ֆոտոլրագրող Գագիկ Շամշյանը, ժամը 12.30-ի սահմաններում, Ապարան-Վանաձոր ավտոճանապարհի 14-րդ կմ–ին, իրար են բախվել Իվան Մաշկարյանի վարած «Ֆորդ Տրանզիտ» մակնիշի 882 ԼՕ 68 համարանիշի և Արթուր Վարդանյանի վարած «Օպել Աստրա» մակնիշի 29 ՍՕ 691 համարանիշի ավտոմեքենաները։
Վթարի հետևանքով «Օպել»-ի ուղևորներ Արտաշես Հովհաննիսյանն ու Սուրեն Մարտիրոսյանը մարմնական վնասվածքներով տեղափոխվել են Ապարանի քաղաքային հիվանդանոց։
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ վաշտի հրամանատար Նիկողոս Եղիազարյանի գլխավորությամբ։
Կարդացեք նաև
Փաստի առթիվ, ոստիկանության քննչական գլխավոր վարչության Արագածոտնի մարզի քննչական բաժնի քննիչ Բենիկ Սարգսյանի կողմից նյութեր են նախապատրաստվում։ Քննիչի հանձնարարականով մեքենաները տեղափոխվեցին ոստիկանության Ապարանի բաժնի տուգանային հրապարակ։
