Ինչու՞ են երիտասարդները դիտում էրոտիկ ֆիլմեր, ի՞նչ է դա տալիս նրանց: Հետաքրքրվեցինք երիտասարդներից: Իմացանք, որ ոչինչ էլ չի տալիս ու շատ քչերն են հետաքրքրված նման ֆիլմերով: 18-ամյա Հայկին էլ են այդ ֆիլմերը քիչ հետաքրքրում:
«Ժամանակին ընկերներով գնում էինք մեր մոտի դիսկի վարձույթը, դիսկը վերցնում, գնում մեկի տուն ու սկսում նայել»,- հիշում է նա: Ժամանակին նայել է շատ: Բայց հիմա` տարին մեկ նայի, թե ոչ: Ինչի՞ էր նայում, ինքն էլ չգիտի: Կարծում է` տարիքից էր: Հայկը մեծացավ ու հասկացավ, որ անիմաստ են դրանք:
«Ա տենց կինոները ռադ արեք: Իմ վրա եմ զարմանում` ո՞նց եմ նայել: Բնականից ճիշտը չկա :D»,- ասում է Հայկը:
Նայելիս ինչ-որ բան է զգացել, բայց զգացողությունը բառերով չի կարողանում բացատրել:
Էրոտիկ ֆիլմեր դիտելը հիմա ավելի է հեշտացել. տեսասկավառակից մինչև համացանցով On-line դիտումը հնարավոր է: Վարձույթի սրահում աշխատող Գոռը վերջին շրջանում այցելուների պակաս զգում է: On-line ֆիլմերը շատ են վնասում իրենց:
«Երիտասարդները նախընտրում են էտ բնույթի ֆիլմերը վատ որակով, բայց համացանցով նայեն, քան 300-400 դրամ տան, դիսկը վերցնեն,»: Գոռն է ասում: Իմացանք նաև, որ վարձույթով տեսասկավառակ վերցնողները 17-19-ը տարեկան երիտասարդներն են: Երեկոյան վերցնում են, առավոտյան` վերադարձնում: Նրանց ավելի շատ հետաքրքրում է աստղերի էրոտիկ բնույթի ֆիլմերը: Գոռն էլ էլ այդպիսի ֆիլմեր չի սիրում: «Ավելի լավ ա «Маша и медвед» մուլտֆիլմը նայեմ, քան էտ ապուշությունը»,- ասում է նա:
Արամ Արարատյան
