Երեկ «Իջեւանում լարվածությունը շարունակվում է» հրապարակմամբ տեղեկացրել ենք, որ Տավուշի մարզկենտրոն Իջեւանը մարզի միակ համայնքն է, որի այս տարվա բյուջեն դեռ չի հաստատել ավագանին:
Պարզվում է, որ «անբյուջե» քաղաքն ունի բազմաթիվ պարտքեր: Իջեւանի քաղաքապետարանի ֆինանսական բաժնի վարիչ Վարազդատ Գեւորգյանը հայտնեց, որ 2011 թվականի վերջին քաղաքապետարանի աշխատավարձի եւ այլ պարտքերը կազմել են 5,368 միլիոն դրամ: 624 հազարը քաղաքապետարանի պարտքն է ջրմուղ-կոյուղուն, մնացածն աշխատավարձի պարտքեր են. 1,295 հազարը Իջեւանի քաղաքային կոմունալ տնտեսության, 1,453 միլիոնը՝ երաժշտական դպրոցի, 1,695 միլիոնը՝ մշակութային «Ավանդույթ» ՓԲԸ-ի, 301 հազարը` Իջեւանի ՔԱԿԳ-ի(«Զագսի») աշխատողների աշխատավարձի պարտքն է:
Վարազդատ Գեւորգյանի վկայությամբ`այս տարվա սկզբին համայնքի վարչական բյուջեում եղել է 1,267 միլիոն, իսկ ֆոնդային բյուջեում` 360 հազար դրամ:
Կարդացեք նաև
Ոսկան ՍԱՐԳՍՅԱՆ
