Նախկին քաղբանտարկյալ Սամվել Աբովյանը երեկ Հայ ազգային կոնգրեսին ուղղված բաց նամակ էր հրապարակել, որում տարակուսանք էր արտահայտել այն առիթով, որ ՀԱԿ-ում դադարում են քաղբանտարկյալ համարել այն մարդկանց, ովքեր հետ են վերցնում ՄԻԵԴ-ից դիմումները: Նա նաեւ տարակուսել էր, թե ովքեր այդպես էլ չդիմեցին ՄԻԵԴ՝ արդյոք ի սկզբանե քաղբանտարկյալներ չե՞ն համարվել: Սամվել Աբովյանը նաեւ ՀԱԿ-ականներին սթափության կոչ էր արել:
Aravot.am-ը փորձեց այս նամակի առիթով ՀԱԿ-ից մեկնաբանություններ ստանալ: Կոնգրեսի իրավական հանձնախմբի անդամ Արմեն Խաչատրյանն ասաց, որ «նման մարդկանց հետ կապված հարցերով» «Առավոտին» մեկնաբանություններ չի անում:
Նելլի ԳՐԻԳՈՐՅԱՆ
