Երեկ «Առավոտը» ստացավ Լոռու մարզի ընդհանուր իրավասության դատարանի դատավոր Վարդուհի Հովնանյանի գրությունը: Տեղեկացվում է, որ հունվարի 13-ին կայացած դատական նախնական նիստի ժամանակ դատարանը Լեռնապատի գյուղապետ Վանո Եղիազարյանն ընդդեմ գյուղաբնակ Բորիս Աշրաֆյանի գործով «կատարել է կողմերի միջեւ ապացուցման պարտականության բաշխում»: Անցյալ տարվա օգոստոսի 19-ի «Առավոտի» «Ո՞վ ում է մեղադրում» հոդվածում հնչած արտահայտությունները պատասխանող, Լեռնապատ գյուղի բնակիչ Բորիս Աշրաֆյանի կողմից կատարված փաստի ապացուցման պարտականությունը դրվել է ինքնուրույն պահանջ չներկայացնող «Առավոտի» վրա:Փետրվարի 14-ին, ժ. 14-ին հրավիրվում ենք Լոռու մարզի ընդհանուր իրավասության դատարան, ՀՀ քաղաքացիական օրենսգրքի 149 հոդվածի կարգով: Ի դեպ, դատական նիստը կարող է անցկացվել նաեւ առանց «Առավոտի»:
Ռ. ՄԻՆԱՍՅԱՆ
«Առավոտ» օրաթերթ
