Երեկ երեկոյան ԵԽԽՎ առջեւ ելույթով հանդես եկավ ու պատասխանեց պատվիրակների հարցերին Մեծ Բրիտանիայի վարչապետ Դեյվիդ Քեմերոնը:
Հայաստանի պատվիրակ Նաիրա Զոհրաբյանը նրան ուղղեց հետեւյալ հարցը. «Միացյալ Թագավորությունը Ադրբեջանի տնտեսության մեջ խոշոր ներդրողներից մեկն է։ Մի երկիր, որը հրապարակավ բարձրաձայնում է Լեռնային Ղարաբաղի հակամարտությունը ուժով լուծելու իր մտադրության մասին՝ խախտելով միջազգային իրավունքն ու իր իսկ ստանձնած միջազգային պարտավորությունները։ Հարցս վերաբերում է Ադրբեջանի` ուժի կիրառման սպառնալիքի նկատմամբ ձեր երկրի դիրքորոշմանը: Արդյոք դուք մտավախություն չունե՞ք, որ բրիտանական ներդրումների շնորհիվ ստացված գումարները կարող են օգտագործվել պատերազմը վերսկսելու նպատակով»:
Վարչապետ Քեմերոնն ի պատասխան ասաց. «Ակնհայտ է, թե մենք չենք ցանկանում, որ դա լինի: Մենք աջակիցներն ենք Մինսկի խմբի եւ ընթացիկ գործընթացի, որով փորձ է արվում լուծել Լեռնային Ղարաբաղին առնչվող խնդիրները: Հուսով ենք, որ Հայաստանն ու Ադրբեջանը կկարողանան դա անել միասին»:
Քեմերոնը պատասխանեց նաեւ Ֆրանսիայի Սենատի ընդունած օրինագծի վերաբերյալ թուրք պատվիրակի հարցին: Այն կներկայացնենք առանձին:
