Հատված Հրազդանում քաղաքապետի թեկնածություն առաջադրած Սասուն Միքայելյանի հետ հարցազրույցից:
– Ընտրակաշառք սկսե՞լ են «պտտեցնել» Հրազդանում, թե՞ դեռ ոչ:
– Տարբեր ձեւերով արդեն կան խոսակցություններ: Ասում են՝ տալու ենք, բայց դեռ բացահայտ «բռնվողներ» չեն եղել:
– Ի՞նչ գումարի մասին է առհասարակ խոսք գնում:
Կարդացեք նաև
– 5 հազարից հասել է 20 հազարի՝ «ստավկի ռաստուտ»: Այդ գումարի մասին խոսակցություններ կան, բայց ես չեմ կարծում, որ այդ թվերը կբաժանեն մարդկանց: Սկզբում 5 էր, հետո դարձրին 10, հիմա էս քանի օրը 20 հազարի «բազար են տանում»:
– Իսկ մարզի վարչական ռեսո՞ւրսն էլ է «մտել խաղի մեջ»:
– Շատ նորմալ են իրենց զգում: Վարչական աշխատողները իրենց համար «բեսամթ» աշխատում են՝ ինչ ճնշում, լծակ ունեն՝ աշխատացնում են:
– ՀՀԿ թեկնածուի համա՞ր:
– Այո:
– Ի՞նչ ձեւով է դրսեւորվում իրենց «աշխատանքը»:
– Ամեն ինչ անում են: Օրինակ, ով թեկուզ փոքր բիզնեսի տեր է, ով աշխատում է Հրազդանի ցեմենտի գործարանում, դպրոցներում, մանկապարտեզներում… ինչ լծակ ունեն՝ ճնշում են: Հատ-հատ գնում եւ ասում են՝ Միքայելյան Սասունին չընտրեք: Մարզպետը կանչում է, ահաբեկում է, վախեցնում է… ամեն ինչ էլ անում են: Քաղաքապետն էլ իր ունեցած լծակներով՝ էլի նույն մեթոդներով «աշխատում» է: Ինչ կառույց կա՝ «խոդ են տվել»:
Գոհար ՎԵԶԻՐՅԱՆ
«Չորրորդ ինքնիշխանություն»
