Երեկ Գյումրիում ծնված երեխայի ծնողները որոշել են նորածնի անունը դնել Սարկոզի՝ ի պատիվ Ֆրանսիայի նախագահի: Սարկոզի Կարապետիչը, փաստորեն, Ֆրանսիայի նկատմամբ հայ ժողովրդի անսահման երախտագիտության քայլող խորհրդանիշն է դառնալու:
«ՉԻ»- Ամիսներ առաջ նման դեպքեր են արձանագրվել նաեւ Հարավային Սուդանում, որտեղ ծնված նորածիններից շատերի անունը դրել են Ստամբուլ՝ ի նշան Թուրքիայի հանդեպ երախտագիտության: Բայց դե Հարավային Սուդանը բնակեցված է հիմնականում սեւամորթ ցեղախմբերով, իսկ մենք, ինչպես հայտնի է, հինգհազարամյա մշակույթ ունենք: Չնայած՝ դա չի խանգարել, որ նույն Գյումրիի փողոցներում այսօր նաեւ Ռիժկով անունով երեխաներ վազվզեն:
Ամեն դեպքում՝ զվարճալի կլիներ տեսնել, թե ինչպես է փոքրիկի մայրը բացականչում «վա՛յ, Սարկոզին տակը չիշիկ արեց», կամ ինչպես է մանկապարտեզի դաստիարակչուհին ծեծում Սարկոզիի տուտուզիկը: Չնայած՝ անունը կապ չունի. միեւնույն է՝ ընկերները նրան Սաքո են ասելու:
Եվ այնուամենայնիվ, փոքրիկի բախտը բերել է, որ Հայոց ցեղասպանության ժխտումը քրեականացնող օրինագիծը Ֆրանսիան է ընդունել եւ ոչ թե, ասենք, Թուրքմենստանը: Թե չէ խեղճի անունը դնելու էին Գուրբանգուլի:
Կարդացեք նաև
«Չորրորդ ինքնիշխանություն»
