Այսօր՝ հունվարի 25-ին, ավտովթար է տեղի ունեցել Երևանում։
Ինչպես դեպքի վայրից aravot.am-ին հայտնում է ֆոտոլրագրող Գագիկ Շամշյանը, ժամը 16.30-ի սահմաններում Չարենց փողոցի թիվ 7՝ «Կերամիկա» խանութի շենքի դիմաց, 40-ամյա Առաքել Չարչյանըի վարած «ՎԱԶ 21703» մակնիշի 915 ԼՕ 67 համարանիշի ավտոմեքենան ընդհարվել է Երևանի պետական ճարտարագիտական համալսարանի մագիստրատուրայի 1-ին կուրսի ուսանող 25-ամյա Սմբատ Ստեփանյանի վարած «Օպել» մակնիշի 29 ՏՕ 160 համարանիշի ավտոմեքենային։
Դեպքի վայրում հավաքվածները պատմել են, որ Դ. Ասլանյանը ծառայություն է կատարում «Մեծ անիվ» ընկերությունում, իսկ Ա. Չարչյանն աշխատում է ՀՀ ոստիկանության պետական պահպանության գլխավոր վարչությունում՝ որպես ջոկի հրամանատար։
Կարդացեք նաև
Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը։ Քննիչի հանձնարարականով մեքենաները տեղափոխվեցին Երևանի ՃՈ տուգանային հրապարակ։
