Տավուշի մարզում կա 62 համայնք եւ 351 համայնքային ծառայող: 2011 թվականի ընթացքում ատեստավորվել է մարզի 34 համայնքում աշխատող 64 համայնքային ծառայող:
Անցյալ տարի մարզում համայնքային աշխատողի թափուր տեղի համար հայտարարվել է 47 մրցույթ: Դրանից 35-ը կայացել է, 12-ի համար չեն եղել հավակնորդներ: Տավուշի մարզպետ Արմեն Ղուլարյանն այս առիթով ասաց, որ ոչ միայն համայնքային ծառայության, այլեւ մարզի այլ ոլորտներում եւս առկա թափուր հաստիքների խնդիրը մտահոգիչ է: Համայնքային ծառայողների աշխատողների աշխատավարձը ցածր է, եւ այդ աշխատանքը չի հրապուրում գրագետ մարդկանց: Բացի այդ, հեռավոր գյուղերում քիչ են բարձրագույն կրթությամբ, սակայն աշխատանք չունեցող մարդիկ:
Ոսկան ՍԱՐԳՍՅԱՆ
