Սենատի նիստին հրավիրյալի կարգավիճակով մասնակցել է նաեւ Հայ ավետարանական եկեղեցու առաջնորդ, վերապատվելի Ռընե Լեւոնյանը, որը, ինչպես հայտնի է, ֆրանսահայ է:
– Իսկ ի՞նչ եք կարծում, այս օրինագծի ընդունումը հաղթանակ կապահովի՞ նախագահ Սարկոզիի համար ապրիլյան ընտրություններում։
– Քննարկումների ժամանակ այս հարցը բարձրացվեց, եւ նրանք, որ դեմ էին օրինագծին, հայտարարեցին, թե սա Սարկոզիի կողմից խաղ է, որ ապահովի Ֆրանսիայում բնակվող կես մլն հայերի ձայները։ Բայց ես իմ կարծիքն ասեմ, քանի որ այս օրենքը խորհրդարանում ու Սենատում ընդունվեց ոչ միայն Սարկոզիի կուսակցության, այլեւ սոցիալիստների ջանքերով: Եթե ձայները հաշվենք, ապա այս հաղթանակն ապահովել են եւ Սարկոզիի կուսակցությունը, եւ ընդդիմությունը միասին։ Ճիշտ է՝ առաջին հայացքից կարող ենք ասել, որ Սարկոզին սա արեց, որ ինքը հայերի ձայնն ապահովի առաջիկա նախագահական ընտրություններում, բայց եթե խորն ենք նայում, տեսնում ենք, որ այս օրենքն ընդունվել Է ինչպես Սարկոզիի, այնպես Էլ ընդդիմադիր կուսակցության շնորհիվ։
Մարինե ԽԱՌԱՏՅԱՆ
«Հրապարակ»
