ԵԽԽՎ-ն այսօր ընտրեց Մարդու իրավունքների նոր հանձնակատար: Առաջադրված երեք թեկնածուներից ամենաշատ ձայները հավաքեց Նիլս Մույհնիեկսը (Nils Muiћnieks) Լատվիայից:
Քվեարկությանը մասնակցել էին ԵԽԽՎ 243 պատվիրակներ, որոնցից 27-ը քվեարկել էին Բելգիայից Պիեռ Իվ-Մոնեի, 92-ը՝ Նիդեռլանդներից Ֆրանս Թիմմերմանսի, եւ 120 հոգի Լատվիայի ներկայացուցչի օգտին:
Մարդու իրավունքների նոր հանձնակատարի պաշտոնավարումը սկսվելու է ապրիլի 1-ից եւ տեւելու է 6 տարի:
Նիլս Մույհնիեկսը եղել է Ռասիզմի եւ անհանդուրժողականության դեմ Եվրոպական հանձնաժողովում Լատվիայի ներկայացուցիչը եւ գլխավորել այն 2010-ի հունվարին: Նա նաեւ ղեկավարում է Ռիգայում գործող Առաջադեմ սոցիալական եւ քաղաքական հետազոտությունների ինստիտուտը:
