Որդիս հաճախում է Երեւանի համայնքային մանկապարտեզներից մեկը եւ շատ գոհ եմ. լավ մանկապարտեզ է ու դրա համար փառք ու պատիվ մեր քաղաքային իշխանություններին: Մանկապարտեզը ջեռուցվում է, անվճար է, իսկ եթե ցանկություն կա լրացուցիչ խմբակում պարապել, ապա սիմվոլիկ գումարով դա էլ է արվում, ինչից եւս գոհ եմ: Գումարն էլ մանկապարտեզում չեն վերցնում, այլ պետք է բանկում վճարվի: Ամեն ինչ շատ լավ է, բացի մի անհարմարությունից: Այդ սիմվոլիկ վճարումներն ի սկզբանե կատարվում էին մի բանկում, որի մասնաճյուղը մանկապարտեզին մոտ էր ու հարմար: Սակայն, երբ Երեւանի քաղաքապետ դարձավ Կարեն Կարապետյանը, պարզվեց, որ գումարները պետք է վճարվեն «Գազպրոմբանկի» խմբի մեջ մտնող բանկին, որի մասնաճյուղից մանկապարտեզի մոտ չկա: Նոր քաղաքապետն է Տարոն Մարգարյանը, բնականաբար, գումարները պետք է վճարվեն «Զարգացման հայկական բանկում», որի մասնաճյուղից եւս մանկապարտեզի մոտ չկա:
ԿԱՐԵՆ ՄԵԺԼՈՒՄՅԱՆ, փաստաբան
Հ. Գ. Ներկայումս միջազգային պրակտիկայում ձեւավորված տեսական միտքը կոռուպցիան բնորոշում է որպես վստահված իշխանության չարաշահում կամ հանրային իշխանության չարաշահում՝ հօգուտ մասնավոր շահի:
«Առավոտ» օրաթերթ
Կարդացեք նաև
