«Նոր Ժամանակներ» կուսակցության Վարչությունը իր և բազմահազար կուսակցականների անունից երախտագիտությամբ արձանագրում է, որ 2012 թվականի հունվարի 24-ին` ի դեմս Ֆրանսիայի Հանրապետության Սենատի, Ֆրանսիան և ֆրանսիայի ժողովուրդը որպես պատմական իրողություն փաստեցին, որ քաղաքակրթական զարգացումն առավել կարևոր է, քան այսրոպեական քաղաքական շահը:
Մենք հավատում ենք, որ Հայ Ժողովրդին բարեկամ Ֆրանսիայի բարձրագույն քաղաքական մարմնի բացառիկ առաքինի վերաբերմունքը 1915 թվականին Թուրքիայի իշխանությունների կողմից կազմակերպված բազմամիլիոն Ցեղասպանության տուժածներին` ողջ հայությանը, Մարդկային Բարձրագույն Արժեքներին հավատարիմ մնալու լավագույն խոստովանությունն է:
Մենք երախտապարտ ենք Ֆրանսիայի ժողովրդին և իշխանություններին, ովքեր ականջալուր եղան եղկելի ոճրագործության զոհերի հոգու կանչին, չտրվեցին ոչ մի ճնշման և քվեարկեցին ԱՐԴԱՐՈՒԹՅԱՆ վերականգնման օգտին:
Կարծում ենք, որ սա ավելի շատ պետք է մեզ` ապրողներիս, այդ թվում նաև թուրք ժողովրդին:
Կարդացեք նաև
