Պայմանագրային զինծառայող, լեյտենանտ Արտակ Նազարյանի մահվան գործով նախագահող Սամվել Մարդանյանը հետաձգել էր հունվարի 18-ի դատական նիստը: Դատավոր Մարդանյանը դատական հաջորդ նիստը նշանակել է հունվարի 24-ին, ժամը 14:00-ին՝ Տավուշի մարզի ընդհանուր իրավասության դատարանի Իջեւանի նստավայրում: Որպես պատճառ դատավորը նշել էր արտագնա նիստերի ժամանակ հասարակական կարգի պահպանության անհնարինությունը, նաեւ դատարանում տեղի ունեցած անկարգությունները:
Արտակ Նազարյանի հարազատները, ամբաստանյալների փաստաբանները մամուլում հայտարարություն են արել, որով հրաժարվել են մասնակցել Իջեւանում կայանալիք նիստին:
Տավուշի մարզի առաջին ատյանի դատարանի նախագահ Սամվել Մարդանյանին հարցրինք` հունվարի 24-ին նախատեսված նիստը կայանալո՞ւ է: Նա հայտնեց, որ վերոհիշյալ հայտարարությունը նիստի չկայանալու համար իրավական հիմք չէ, որ ինքն իրավասու է նիստ անցկացնել նաեւ տուժողի հարազատների բացակայությամբ: Դատավոր Մարդանյանն ասաց, որ հունվարի 24-ին, ժամը 14-ին ինքը սկսելու է դատական նիստը:
Ոսկան ՍԱՐԳՍՅԱՆ
Կարդացեք նաև
